දළදා මැඳුරේ පිරිත් මණ්ඩපයේදී පිරිත් සජ්ඣායනය කළ අයුරු.
නව වසරේ ශ්‍රී ලංකාවාසී හා ලෝකවාසී ජනතාවට ආශීර්වාද පතමින් සෙත් පිරිත් සජ්ඣායනය කිරීම මහනුවර ඓතිහාසික ශ්‍රී දළදා මාලිගාවේ පිරිත් මණ්ඩපයේදී සිදු කෙරිණි. මල්වතු මහා විහාර පාර්ශ්වයේ මහානායක වරකාගොඩ ශ්‍රී ඤාණරතන, අස්ගිරි පාර්ශ්වයේ අනුනායක ආණමඩුවේ ශ්‍රී ධම්මදස්සි, මල්වතු මහා විහාර පාර්ශ්වයේ අනුනායක දිඹුල්කුඹුරේ විමලධම්ම නාහිමිවරු ප්‍රමුඛ මල්වතු අස්ගිරි උභය මහා විහාරීය මහා සංඝරත්නය සෙත් පිරිත් සජ්ඣායනය කළහ. මේ අවස්ථාවට ශ්‍රී දළදා මාලිගාවේ දියවඩන නිලමේ ප්‍රදීප් නිලංග දෑල මහතා ඇතුළු දළදා මාළිගාවේ කාර්ය මණ්ඩලයේ සාමාජිකයෝ ද එක්ව සිටියහ.
