නාරහේන්පිට පිහිටි මෝටර් රථ ප්‍රවාහන දෙපාර්තමේන්තුවේ ප්‍රධාන කාර්යාලය ලබන 20 වැනිදා සාමාන්‍ය රාජකාරි සඳහා වසා තැබීමට තීරණය කර තිබේ.
ලබන 21 වැනිදා පැවැත්වෙන ජනාධිපතිවරණය සඳහා එම කාර්යාලය ඡන්ද මධ්‍යස්ථානයක් ලෙස ප්‍රකාශයට පත් කර ඇති බැවින් එම තීරණය ගෙන ඇති බව මේ සම්බන්ධයෙන් මෝටර් රථ ප්‍රවාහන දෙපාර්තමේන්තුව මඟින් කළ නිවේදනයක දක්වා ඇත.
ඒ අනුව මැතිවරණ කටයුතු බාධාවකින් තොරව පවත්වාගෙන යෑමට පහසුකම් සැලසීම් සඳහා ලබන 20 වැනිදා සාමාන්‍ය රාජකාරි සිදු නොකරන බව මෝටර් රථ ප්‍රවාහන දෙපාර්තමේන්තුව මඟින් නිකුත් කළ එම නිවේදනයේ වැඩිදුරටත් සඳහන්ය.
