බදුල්ල වේවැස්සේ ගම ප්‍රදේශයේ දි මත්පෙති 345 ක් සමග සැකකරුවෙකු ඊයේ (04) පස්වරුවේ අත්අඩංගුවට ගත්බව කොට්ඨාස විෂ මත්ද්‍රව්‍ය ඒකකය පවසයි.
මෙහිදී අත්අඩංගුවට ගත් සැකකරු 45 හැවිරිදි වියේ පසුවන වේවැස්සේගම බදුල්ල ලිපිනයේ පදිංචි පුද්ගලයෙකු බවද පොලිසිය පවසයි.
සැකකරු විසින් කොළඹ සිට මත්පෙති රැගෙන පැමිණෙන බවට විෂ මත්ද්‍රව්‍ය ඒකකය වෙත ලද තොරතුරක් මත පොලිස් උපාය දුතයෙකු යොදවා මෙම වැටලීම සිදුකර තිබිණි.
එහිදි සැකකරු විසින් එක් මත් පෙත්තක් රුපියල් දෙසිය පනහා බැගින් මත්පෙති දෙකක් එම උපාය දූතයාහට විකුණන අවස්ථාවේ දි අත්අඩංගුවට ගෙන සිදුකල පරික්ෂාවේදි ඔහු සන්තකයේ තිබි තවත් පෙති තුන්සිය හතලිස් තුනක් හමුවු බවද පොලිසිය පැවසීය.
සැකකරු බදුල්ල මහේස්ත්‍රාත් අධිකරණය වෙත ඉදිරිපත් කිරීමට නියමිත බවද පොලිසිය පැවසීය
