2024 ජනාධිපතිවරණයට අදාළ තැපැල් ඡන්ද ප්‍රකාශයට පත් කරන දින මැතිවරණ කොමිසම මඟින් ඊයේ (14) ප්‍රකාශයට පත්කරනු ලැබීය.
ඒ අනුව තැපැල් ඡන්ද නිකුත් කිරීම හා තැපෑලට භාර දීම ලබන 26 වැනිදා සිදු කරයි. තැපැල් ඡන්ද සලකුණු කිරීම සඳහා දිස්ත්‍රික් ලේකම් කාර්යාල, මැතිවරණ කාර්යාල සහ පොලිසිය සඳහා වෙන් කර ඇත්තේ සැප්තැම්බර් 4 වැනිදා බව කොමිසම නිවේදනයක් නිකුත් කරමින් සඳහන් කර ඇත. තැපැල් ඡන්ද ප්‍රකාශ කිරීම සඳහා ඉල්ලා ඇති අනෙකුත් පාර්ශ්ව සඳහා තැපැල් ඡන්දය ප්‍රකාශ කිරීමට සැප්තැම්බර් 05 සහ 06 යන දිනයන් වෙන් කර තිබේ. සලකුණු නොකරන ලද තැපැල් ඡන්ද පත්‍රිකා සඳහා නැවත ලබාදෙන ලකුණු කිරීම සඳහා සැප්තැම්බර් මස 11 සහ 12 යන දින වෙන් කර ඇත.
2024 ජනාධිපතිවරණය සැප්තැම්බර් 21 වැනිදා පැවැත්වීමට නියමිතය. තැපැල් ඡන්ද සඳහා අයදුම්පත් භාර ගැනීම පසුගිය 09 වැනිදා අවසන් කෙරුණි.
