වට්ස්ඇප් ගිණුම හරහා පොලිස් කොස්තාපල්වරියකගේ ජංගම දුරකතනයකට, තනතුර අතහැරයෑමේ නියෝගය ලබා සිටින පොලිස් කොස්තාපල්වරයෙක් සිය ලිංගික අවයවය ඡායාරූපගත කොට යැවීමේ සිද්ධියක් සම්බන්ධයෙන් දෙමටගොඩ පොලීසිය විසින් ඔහුව පෙරේදා (31) අත්අඩංගුවට ගෙන ඇත. සැකකාර කොස්තාපල්වරයා කොළඹ අපරාධ කොට්ඨාසයේම සේවයේ නිරතව සිටි අයෙක් බව පොලීසිය සඳහන් කළේය.
මෙම නිලධාරියා මත්ද්‍රව්‍ය භාවිත කරන බවට ඇති වූ සැකයක් මත අධිකරණ වෛද්‍යවරයා හමුවට ඉදිරිපත් කිරීමට සූදානම් වූ අවස්ථාවේදී ඔහු සේවයට නොපැමිණ ඇති බව උසස් පොලිස් නිලධාරියෙක් පැවසීය. දීර්ඝ කාලයක් තිස්සේ මෙම සැකකාර පොලිස් නිලධාරියා රාත්‍රී කාලයට කොළඹ අපරාධ කොට්ඨාසයේ සේවයේ නිරත මෙම කොස්තාපල්වරියට වට්ස්ඇප් මඟින් අසභ්‍ය ප්‍රකාශ සහ ඡායාරූප ඒවා ඇති බවත්, ඇය එය ඉවසා ගැනීමට නොහැකිව පොලීසියට පැමිණිලි කර ඇති බව පොලිස් තොරතුරුවලින් අනාවරණය වෙයි.
