ඉදිරියේදී සිදුවන බස් ගාස්තු සංශෝධනයේදී අනිවාර්යෙන්ම බස් ගාස්තු වැඩි කිරීම සිදුවනු ඇති බව ලංකා පෞද්ගලික බස් හිමියන්ගේ සංගමය සඳහන් කරයි.
මෙවර මාසික ඉන්ධන මිල සංශෝධනයේදී ඩීසල් මිල පහළ යාමක් බලාපොරොත්තු වුවද එය සිදු නොවූ බව එහි සභාපති ගැමුණු විජේසූරිය මහතා සඳහන් කළේය.
වැට් බදු ද බස් රථ සඳහා එකතු කර ඇති අතර ඒ අනුවද බස් ගාස්තු වැඩි කිරීමක් අනිවාර්යෙන්ම සිදු කළ යුතු බවද හෙතෙම අවධාරණය කළේය.
ඒ මහතා මේ බව කියා සිටියේ ඊයේ (01) කොළඹ පැවති මාධ්‍ය හමුවකට එක්වෙමිනි.
