ලෝක ජල දිනය හෙටට (22) යෙදී තිබේ. ලෝක ජල දිනය හා ජාතික ජලසම්පාදන හා ජලාපවාහන මණ්ඩලයට අඩසිය වසක් පිරීම නිමිත්තෙන් අග්‍රාමාත්‍ය හරිනි අමරසූරිය මෙණෙවියගේ ප්‍රධානත්වයෙන් විශේෂ සැමරුම් උත්සවයක් අද (21) රත්මලාන එගොඩහේන cewas සම්මන්ත්‍රණ ශාලාවේදී පැවැත්වේ.
නාගරික සංවර්ධන, ඉදිකිරීම් හා නිවාස අමාත්‍යාංශයේ මඟපෙන්වීම යටතේ ජාතික ජලසම්පාදන හා ජලාපවාහන මණ්ඩලය සංවිධානය කරන මෙම උත්සවය සඳහා නාගරික සංවර්ධන, ඉදිකිරීම් හා නිවාස අමාත්‍ය අනුර කරුණාතිලක, නිවාස නියෝජ්‍ය අමාත්‍ය ටී.බී. සරත් මහත්වරුන් සහභාගි වීමට නියමිතය.
