මෙරට අත්යන්ත්‍ර පේෂ කර්මාන්තයේ සංවර්ධනය සඳහා සහාය දීමට ඉන්දීය රජය කැමැත්ත පළ කළ බව කර්මාන්ත සහ ව්‍යවසායකත්ව සංවර්ධන ඇමැති සුනිල් හඳුන්නෙත්ති මහතා පැවසීය.
ඉන්දියාවේ නවදිල්ලි නුවර පැවති ඉන්දියාවේ විශාලම පේෂ කර්මාන්ත ප්‍රදර්ශනය වන “භාරත් Tex 2025” පේෂකර්ම ප්‍රදර්ශනයේ ප්‍රධාන ආරාධිතයකු ලෙස සහභාගි වූ ඇමැතිවරයා ඉන්දියාවේ පේෂ කර්මාන්ත ඇමැති ගිරිරාජ් සිං මහතා හමු වූ අවස්ථාවේදී මේ එකඟතාවට එළැඹිණි.
එසේම ඉන්දියාව විසින් ලංකාවෙන් ලබා ගන්නා රෙදිපිළි කෝටාව වැඩි කරගැනීම පිළිබඳ දෙරටේ ඇමැතිවරුන්ගේ අවධානය යොමු කර ඇති අතර, දෙරට අතර ඇඟලුම් ක්ෂේත්‍රයේ තාක්ෂණික හුවමාරුව සඳහා අවබෝධතා ගිවිසුමකට එළඹීමට ද එහිදී තීරණය විය. මේ සංචාරයේදී ඉන්දීය වාණිජ හා කර්මාන්ත ඇමැති පියුෂ් ගෝපාල් මහතා හමු වූ ඇමැතිවරයා දෙරට අතර පවතින ආයෝජන අවස්ථා පුළුල් කරගැනීම පිළිබඳව දීර්ඝ ලෙස සාකච්ඡා කරන ලදි. එසේම ඇමැතිවරයා හමු වූ ඉන්දීය ගල් අඟුරු හා කැණීම් ඇමැති සතිස් චන්ද්‍ර දුබේ මහතා සිමෙන්ති සහ ඛනිජ වැලිවල අගය එකතු කිරීම පිළිබඳව සාකච්ඡා කළ අතර, මෙරට ඛනිජ වැලි, මිනිරන්, පොස්පේට් කර්මාන්ත ක්ෂේත්‍රවල ආයෝජනය කිරීමට ඉන්දීය ආයෝජකයන් උනන්දුවක් දක්වන බවත්, ඉදිරියේදී එම ආයෝජකයන් ලංකාවට පැමිණෙනු ඇති බවත් සහතික විය.
මේ සංචාරයට අපනයන සංවර්ධන මණ්ඩලයේ සභාපති මංගල විජේසිංහ මහතා ද එක් විය.
