හැටන් දික්ඔය නගර සභා සිමාවේ මහජනතාව ගැවසෙන පොදු ස්ථානවල අවිධිමත් ලෙස කැලි කසල බැහැර කල ප්‍රදේශවාසින් පස්දෙනෙකු හැටන් පොලිසියේ පරිසර ඒකකය විසින් අත්අඩංගුවට ගෙන ඇත.
සැකකරුවන් අතර කාන්තාවන් කිහිපදෙනෙකු සිටින බවත්, සැකකරුවන් රාත්‍රි කාලයේ ඉතා සුක්ෂම ලෙස නිවසේ එක්රැස් වන කැලි කසල පොලිතින් උර වල දමා රැගෙනවිත් නගරයේ පොදු ස්ථානවල බැහැර කර ඇති බව සැකකරුවන් අත්අඩංගුවට ගත් පොලිස් නිලධාරින් කියා සිටියේ.
මෙම වැටලිම මහජන සෞඛ්‍ය පරික්ෂකවරුන් සමග එක්ව සිදු කල බවත්, සැකකරුවන් ඇප මත මුදා හැර සැකකරුවන්ට එරෙහිව හැටන් මහෙස්ත්‍රාත් අධිකරණය හමුවේ නෛතික පියවර ගන්නා බවයි වැටලිමට එක් වු නිලධාරින් කියා සිටියී.
