ශ්‍රී ලංකා මහවැලි අධිකාරිය මඟින් සංවිධාන කරන Òමහවැලි පුනරුද සතියÓ විශේෂ සංවර්ධන වැඩසටහනෙහි දෙවැනි දිනය වන අද (28) ‘ආයතන සංවර්ධන දිනය’ ලෙස නම් කර තිබේ. මහවැලි H කලාපය තුළ පැවැත්වෙන මෙම සංවර්ධන වැඩසටහන් මීගලෑව, එප්පාවල, මහඉලුප්පල්ලම, තඹුත්තේගම, ගල්නෑව, නොච්චියාගම සහ තලාව කොට්ඨාස ආවරණය වන පරිදි අද (28) දිනය තුළ දී ක්‍රියාත්මක වේ. මේ යටතේ ලේ දන්දීමේ වැඩසටහන්, බෝ නොවන රෝග පිළිබඳ දැනුවත් කිරීම්, මත්ද්‍රව්‍ය නිවාරණ වැඩසටහන්, NVQ සහතික ලබාදීම, පෙරපාසල් සිසුන්ගේ මව්පියන් දැනුවත් කිරීමේ වැඩසටහන්, ශ්‍රමදාන, කෘෂිමාර්ග පිළිසකර කිරීම් සිදු කෙරේ.
