ඉකුත් වසරවලදී විගණන අංශයෙන් ඉදිරිපත් කළ විගණන වාර්තා නිර්දේශ සඳහා නීත්‍යනුකූල ක්‍රියාමාර්ග ගැනීම ප්‍රමාද වීමට හේතු සොයා බලා එම කටයුතු කඩිනම් කරන බව තරුණ කටයුතු නියෝජ්‍ය ඇමැති එරංග ගුණසේකර මහතා පැවැසීය.
නියෝජ්‍ය ඇමැතිවරයා මේ බව පැවැසුවේ ජාතික තරුණ සේවා සභාවේ අභ්‍යන්තර විගණන අංශය සමඟ මහරගම තරුණ සේවා සභාවේදී ඊයේ (08) පැවැති සාකච්ඡාවකට එක් වෙමිනි.
යෞවන සමාජ සම්මේලනය සහ තරුණ සේවා සභාවේ විගණන වාර්තාව නිර්දේශ සමඟ කඩිනමින් දෙන ලෙස ද නියෝජ්‍ය ඇමැතිවරයා විගණන අංශයට මෙහිදී දැනුම් දුන්නේය. විගණන අංශයේ පවතින ගැටලු සහ දැනට සිදු වෙමින් පවතින ක්‍රියාවලිය පිළිබඳව ද මෙහිදී නියෝජ්‍ය ඇමැතිවරයාගේ අවධානයට යොමු විය.
මේ අවස්ථාවට ජාතික තරුණ සේවා සභාවේ අධ්‍යක්ෂ ජනරාල්වරයා ඇතුළු අධ්‍යක්ෂ මණ්ඩලයේ සාමාජිකයෝ සහභාගී වූහ.
