ශ්‍රී ලංකා අවුරුදු 19න් පහළ කාන්තා ක්‍රිකට් කණ්ඩායම සමඟ පැවති තෙවැනි විස්සයි20 ක්‍රිකට් තරගය කඩුලු 4කින් ජය ගැනීමට සංචාරක අවුරුදු 19න් පහළ කාන්තා ක්‍රිකට් කණ්ඩායම සමත් විය.
කෙසේ වෙතත් තරග 4කින් සමන්විත විස්සයි20 තරගාවලියේ මුල් තරග දෙක ජය ගැනීම හේතුවෙන් තවමත් ශ්‍රී ලංකාව 2-1කින් ඉදිරියෙන් පසු වෙයි.
ඊයේ මග්ගොන සරේ ක්‍රීඩාංගණයේ පැවති තරගයේ කාසියේ වාසිය දිනා පළමුව පන්දුවට පහර දුන් ශ්‍රී ලංකා පිල ලකුණු 109කින් නතර කළ බංග්ලාදේශ ක්‍රීඩිකාවෝ පන්දු 2ක් ඉතිරිව තිබියදී ජය තහවුරු කර ගත්තේ කඩුලු 6ක් පමණක් අහිමි කර ගනිමිනි.
ඉනිමේ පළමු පන්දු දෙකෙන් කඩුලු 2ක් බිඳ දැමීමට රශ්මික සෙව්වන්දි සමත් වුවත් සාර්ථක ආරම්භයක් දුන් ෆහොමිඩා චොයා පන්දු 42කින් ලකුණු 38ක් රැස් කිරීමට සමත් වූවාය. සාදියා ඉස්ලාම් ලකුණු 24ක් සහ සුමයියා අක්ටර් ලකුණු 14ක් රැස් කළ අතර, අෆියා අෂිමා පන්දු 18කින් වේගවත් ලකුණු 26ක් රැස් කරමින් බංග්ලාදේශ ජය තහවුරු කළාය. පන්දු යැවීමේදී රශ්මිකා සමඟ ශෂිනි ගිම්හානි කඩුලු 2 බැගින් දවාගත් අතර, චමෝදි ප්‍රබෝධා කඩුල්ලක් දවා ගත්තාය.
දහමි සෙනෙත්මා සහ හිරුණි හංසිකා ලකුණු 24ක් බැගින් රැස් කරමින් පළමුව පන්දුවට පහර දුන් ශ්‍රී ලංකා ඉනිමේ වැඩිම ලකුණුලාභිනියන් වූහ. පන්දු යැවීමේදී අනිසා අක්ටර් කඩුලු 2ක් දවා ගත්තාය.
දෙපිල අතර සිව්වැනි සහ අවසන් විස්සයි20 තරගය අද (9) බිආර්සී ක??????????????????????.
්‍රීඩාංගණයේදී පැවැත්වේ.
ශ්‍රී ලංකා 19න් පහළ කාන්තා පිල – 109/6 (ඕවර 20) දහමි සෙනෙත්මා 24, හිරුණි හංසිකා නොදැවී 24, මනුදි නානායක්කාර 16, ශෂිනි ගිම්හානි 14 (අනිෂා අක්ටර් 17/2)
බංග්ලාදේශ 19න් පහළ කාන්තා පිල – 113/6 (ඕවර 19.2) ෆහොමිඩා චොයා 38, අෆියා අෂිමා නොදැවී 26, සාදියා ඉස්ලාම් 24, සුමයියා අක්ටර් ලකුණු 14 (රශ්මිකා සෙව්වන්දි 17/2, ශෂිනි ගිම්හානි 22/2)
