ශ්‍රී ජයවර්ධනපුර විශ්වවිද්‍යාලයේ මානව ශාස්ත්‍ර හා සමාජීය විද්‍යා පීඨයට තේරීපත්ව සිටින නවක සිසුන් පිළිගැනීමේ උත්සවයක් පසුගියදා පැවැත්විණි.
2023 අ.පො.ස. (උසස් පෙළ) විභාගයෙන් ඉහළම ලකුණු ගත් සිසුන් 1164ක පිරිසක් මෙවර ජයවර්ධනපුර මානව ශාස්ත්‍ර හා සමාජීය විද්‍යා පීඨයට තේරී පත්වී ඇත.
විශ්වවිද්‍යාලය හා පීඨය පිළිබඳව සිසුන් දැනුම්වත් කිරීමේ අරමුණින් සංවිධාන කළ මේ උත්සවය උපකුලපති, ජ්‍යෙෂ්ඨ මහාචාර්ය පත්මලාල් එම්.
උපකුලපති, ජ්‍යෙෂ්ඨ මහාචාර්ය පත්මලාල් එම්. මානගේ මහතා නවක සිසුන් අමතමින්
මානගේ, මානව ශාස්ත්‍ර හා සමාජීය විද්‍යා පීඨයේ පීඨාධිපති ශිරන්ත හීන්කෙන්ද මහත්වරුන්ගේ ප්‍රධානත්වයෙන් පැවැත්විණි.
එහිදී අදහස් දැක්වූ උපකුලපති, ජ්‍යෙෂ්ඨ මහාචාර්ය පත්මලාල් එම්. මානගේ මහතා මෙලෙස පැවැසීය.
“මෙරට විශ්වවිද්‍යාල අතරින් වර්තමානය වන විට දැඩි තරගකාරීත්වයක් සහිතව ජාත්‍යන්තර ප්‍රවණතා සමඟ සමානුපාත වෙමින් නව දැක්මකින් කටයුතු කරන පීඨයක විද්‍යාර්ථින් වීමට හැකි වීම නවක සිසුන් ලැබූ භාග්‍යයක්.”
පීඨාධිපති, මහාචාර්ය ශිරන්ත හීන්කෙන්ද මහතා,
“මේ අධ්‍යයන වර්ෂය සඳහා මෙරට සමස්ත විශ්වවිද්‍යාල පද්ධතියේ කලා පීඨ අතරින් ප්‍රථමයෙන්ම අධ්‍යයන කටයුතු ඇරඹි පීඨය බවට පත් වීම අඩම්බරයට කරුණක්. එවැනි පීඨයකට ඇතුළත් වීමට ලැබීම නවක විද්‍යාර්ථින්ට හිමි වූ සුවිශේෂ අවස්ථාවක්.”
