ශ්‍රී ලංකා ක්‍රිකට් කණ්ඩායමට අයිසීසී ලෝක ටෙස්ට් ශූරතාවලියේ අවසන් තරග බලාපොරෙත්තු තබා ගැනීම සම්බන්ධයෙන් තීරණය කෙරෙන සංචාරක ඉන්දීය පිල සහ ඔස්ට්‍රේලියාව අතර බෝඩර් – ගවස්කාර් ටෙස්ට් තරගාවලියේ 5 වැනි සහ අවසන් තරගය අද (3) සිඩ්නිහිදී ආරම්භ වෙයි.
දකුණු අප්‍රිකාව සමඟ අවසන් තරගයට එක්වීම සඳහා ශ්‍රී ලංකාව, ඔස්ට්‍රේලියාව සහ ඉන්දියාව තුන්කොන් සටනක නිරතවී සිටින අතර, මේ තරගයේ ප්‍රතිඵලය මත එම කණ්ඩායම් ත්‍රිත්වයේ ඉදිරිය තීරණය කෙරෙනු ඇත.
ලෝක ශූරතා බලාපොරොත්තු තබා ගැනීමට නම් මේ තරගය අනිවාර්යයෙන්ම ජය පරාජයෙන් තොරව නිමාවීම ශ්‍රී ලංකාවට අවශ්‍යම වන අතර, ඔස්ට්‍රේලියාව ජයගත හොත් ඔවුන් අවසන් තරගයට සුදුසුකම් ලබනු ඇත.
මේ තරගයේ ජය ඉන්දියාව සතු වුවද ඔවුන්ට ශ්‍රී ලංකාව සහ ඔස්ට්‍රේලියාව අතර පැවැත්වීමට නියමිත ටෙස්ට් තරගාවලියේ ප්‍රතිඵල දෙස බලා සිටීමට සිදු වෙයි.
