පොහොර සහනාධාරය ඉල්ලා මහවිලච්චිය ගොවියෙක් වන ආර්.ඒ. අනුර බණ්ඩාර මහතා මහ විලච්චිය පේමඩුව බස් නැවතුම්පොළේ වහලක් මත නැඟී ඊයේ (30) විරෝධතාවයක නියැළිණි. කන්න රැස්වීමේ තීන්දු තීරණ මත මේ ප්‍රදේශයේ ගොවි ජනතාව වගාව ආරම්භ කළ බවත් ජනාධිපතිවරයා පොරොන්දු වූ පොහොර සහනාධාරය මේ ප්‍රදේශවල ජනතාවට නිසියාකාරව මෙතෙක් ලැබී නැති බව ද ඔහු කියයි. මේ පොහොර සහනාධාරය සම්බන්ධයෙන් නිසි විසඳුමක් ලබාදෙන තෙක් තමන් මේ විරෝධතාව අත් නොහරින බවද ඒ මහතා පැවසීය.
