සයිබර් ආරක්ෂාව පිළිබඳව රාජ්‍ය නිලධාරීන් දැනුම්වත් කිරීමේ අරමුණින් ශ්‍රී ලංකා පරිගණක හදිසි ප්‍රතිචාර සංසදය සංවිධාන කළ වැඩසටහනක් ත්‍රිකුණාමලය දිස්ත්‍රික් ලේකම් කාර්යාලයේදී පෙරේදා (03) පැවැත්විණි.මේ වැඩසටහනේදී ත්‍රිකුණාමලය දිස්ත්‍රික් රාජ්‍ය නිලධාරීන් වෙත සයිබර් ආරක්ෂණ රාජ්‍ය ප්‍රතිපත්තිය හඳුන්වාදීම ද සිදු කෙරුණු අතර අන්තර්ජාලය පරිහරණයේදී සයිබර් ආරක්ෂාව තහවුරු කර ගන්නා ආකාරය පිළිබඳවද දැනුම්වත්භාවය ලබාදීම සිදු විය.
ශ්‍රී ලංකා පරිගණක හදිසි ප්‍රතිචාර සංසදය මෙන්ම ඩිජිටල් ආර්ථික අමාත්‍යාංශය, විද්‍යා හා තාක්ෂණ අමාත්‍යාංශය සමඟ රාජ්‍ය පරිපාලන, පළාත් සභා හා පළාත් පාලන අමාත්‍යාංශය මේ වැඩසටහන සංවිධාන කර තිබූ අතර ත්‍රිකුණාමලය දිස්ත්‍රික් ලේකම් චමින්ද හෙට්ටිආරච් මහතා මේ අවස්ථාවට ප්‍රධාන ආරාධිතයා ලෙස සහභාගි විය.
ත්‍රිකුණාමලය දිස්ත්‍රික් ප්‍රාදේශීය ලේකම්වරුන් සහ තොරතුරු ආරක්ෂණ නිලධාරීන් රැසක්ද මේ වැඩසටහනට සහභාගි වූහ.
