වසර 105කට පසු ඔක්ස්ෆ්ර්ඩ් විශ්වවිද්‍යාලයට පැමිණි ශ්‍රී ලාංකේය බෞද්ධ භික්ෂුව ලෙස වඩිගල සමිතරත්න හිමියන් විශ්වවිද්‍යාල පරිපාලනය මඟින් පසුගියදා හරසරින් පිළිගෙන තිබේ.
ශ්‍රී ලංකාව සහ ඔක්ස්ෆර්ඩ් දෙඅංශයටම ඓතිහාසික සන්ධිස්ථානයක් සනිටුහන් කරමින් උන්වහන්සේ එහි දර්ශනපති උපාධියක් හදාරමින් සිටිති.
ඔක්ස්ෆර්ඩ් විශ්වවිද්‍යාලයේ අවසන් වරට අධ්‍යාපනය ලද ශ්‍රී ලාංකික භික්ෂුව වන්නේ 1919 දී ශිෂ්‍යත්වයක් ලබා එම විශ්වවිද්‍යාලයට තේරී පත් වූ සූරියගොඩ සුමංගල ස්වාමීන් වහන්සේය.
විශ්වවිද්‍යාලයට බඳවා ගැනීම ගැන සිහිපත් කරමින් සමිතරතන ස්වාමීන් වහන්සේ පැවැසුවේ තම ශාස්ත්‍රීය ගමනට අතහිත දුන් සැමට කෘතඥතාව පළ කරන බවයි.
