ශ්‍රී ලංකා තුන් ඉරියව් ක්‍රීඩක දසුන් ශානක පන්දු 3කදී ප්‍රතිවාදීන්ට ලකුණු 30ක් ලබාදීම මතභේදයට ලක්වෙයි. අබුඩාබි ටී10 තරගාවලියේ දිල්ලි බුල්ස් සහ බෙංගාල ටයිගර්ස් අතර පෙරේදා පැවති තරගයේදී මේ සිදුවීම වාර්තා විය.
දිල්ලි බුල්ස් පිලට එරෙහි ඉනිමේ නවවැනි ඕවරයේදී ශානක පන්දු යැවීමට පැමිණි අතර, නිඛිල් චෞද්රි පළමු පන්දුවෙන්ම හතරේ පහරක් එල්ල කළේය. ශානකගේ ඊළඟ පන්දු දෙක නෝ බෝල් වූ අතර, ඒ පන්දු දෙකටම නිකිල් හතරේ පහර බැගින් එල්ල කිරීමෙන් ලකුණු 10ක් එකතු විය. එම ඕවරයේ දෙවැනි පන්දුවට හතරක් හා තෙවැනි පන්දුවට හයේ පහරක් එල්ල කිරීමට නිඛිල් චෞද්රි සමත් විය. ශානක මුළු ඕවරයේදීම ලකුණු 33ක් ලබා දුන්නේය. සමාජ මාධ්‍ය ඔස්සේ බොහෝ දෙනෙක් මේ පිළිබඳ ප්‍රශ්න අසමින් සිටිති.
