අභිනවයෙන් පත් වූ රාජ්‍ය පරිපාලන, පළාත් සභා හා පළාත් පාලන ඇමැති මහාචාර්ය චන්දන අබේරත්න මහතා ඊයේ (19) ටොරින්ටන්හි පිහිටි රාජ්‍ය පරිපාලන අමාත්‍යාංශයේ දී වැඩ භාර ගත්තේය.
නව දේශපාලන සංස්කෘතියක් ඇතිවූවා සේම රටේ දියුණුව සඳහා වැඩ කිරීමේ නව සංස්කෘතියක් ඇති විය යුතු බව ඇමැති මහාචාර්ය චන්දන අබේරත්න මහතා මෙහිදී අමාත්‍යාංශ නිලධාරින්ට කියා සිටියේය.
කැලණිය විශ්වවිද්‍යාලයේ උපාධිධාරියකු වන චන්දන අබේරත්න මහතා කැලණිය විශ්වවිද්‍යාලයේ ඉතිහාස අධ්‍යයන අංශයේ මහාචාර්යවරයකු ලෙස ද කටයුතු කර ඇත.
මෙම අවස්ථාවට රාජ්‍ය පරිපාලන, පළාත් සභා හා පළාත් පාලන අමාත්‍යාංශයේ ලේකම් එස්. ආලෝක බණ්ඩාර මහතා ඇතුළු අමාත්‍යාංශයේ ජ්‍යෙෂ්ඨ මාණ්ඩලික නිලධාරින් රැසක් එක්ව සිටියහ.
