මලයාලම් චිත්‍රපට කර්මාන්තයේ විශාලතම ව්‍යාපෘතිය ලෙස සැළකෙන, මම්මූටි සහ මෝහන්ලාල් රඟන මහේෂ් නාරායනන්ගේ චිත්‍රපටයේ කාලසටහනේ පළමු රූගත කිරීමේ කොටස ශ්‍රී ලංකාවේ දී ආරම්භ විය.
තරු රැසක් රඟන මෙම චිත්‍රපටයේ ප්‍රධාන චරිත නිරුපණය කරන්නේ, මලයාලම් චිත්‍රපට කර්මාන්තයේ දැවැන්තම තරු දෙක වන මම්මූටි සහ මෝහන්ලාල් ය.
ඔවුන් දෙදෙනා චිත්‍රපටයක එක්ව රඟපාන්නේ, වසර 20කට පමණ පසුව වීම විශේෂත්වයකි.
රූගත කිරීම් සිදු වූ ස්ථානයේ ඡායාරූප සහ වීඩියෝ මේ වන විට ජනමාධ්‍ය ඔස්සේ ප්‍රචාරය වෙමින් පවතී. ඒ අනුව ශ්‍රී ලංකාවේ රූගත කිරීම් වල දර්ශන සමාජ මාධ්‍යවල මේවන විට වෛරල් වෙමින් පවතී.
චිත්‍රපටිය තාවකාලිකව නම් කර ඇත්තේ MMMN ( මම්මූටි, මෝහන්ලාල්, මහේෂ් නාරායනන්) යනුවෙනි.
MMMN නිෂ්පාදනය කරනු ලබන්නේ Antony Perumbavoor ගේ Aashirvad Cinemas and Anto Joseph’s AJFC (Anto Joseph Film Company) විසිනි.
මේ චිත්‍රපටයට Fahadh Faasil, Kunchacko Boban, Nayanthara, Darshana Rajendran ඇතුළු පිරිසක් රංගනයෙන් දායක වෙති.
