දිවයිනේ ප්‍රමුඛතම පොත් ප්‍රකාශන ආයතනවල හොඳම පොත් එකතුව ‘බදුලු පොත් වසන්තය’ ප්‍රදර්ශනය බදුල්ල සේනානායක පිටියේදී ඊයේ (20) ආරම්භ වූ අතර එය ලබන 27 දින දක්වා පැවැත්වේ.
මෙවර ප්‍රදර්ශනයේ පොත් අලෙවි කුටි 70ක් පමණ ස්ථාපිත කර ඇති අතර, පොත් මිල දී ගන්නා පාරිභෝගිකයන්ට විශේෂ වට්ටම්ද පිරිනැමේ.
මේ ප්‍රදර්ශනයට සමගාමිව නව පොත් එළිදැක්වීම්ද මෙහිදී සිදු කෙරෙන අතර, ඌව පළාතේ පාසල් දරුවන් අතින් රචිත පොත් කිහිපයක්ද එළිදැක්වීමට නියමිතව ඇති අතර ඌව පළාත් සංස්කෘතික ක්‍රීඩා හා සංචාරක අමාත්‍යාංශය සමඟ ප්‍රබුද්ධ සංස්කෘතික පදනම මඟින් පොත් ප්‍රදර්ශනය සංවිධානය කර තිබේ. ලබන 27 දා දක්වා සෑම දිනකම උදේ 8.30 සිට රාත්‍රී 9.00 දක්වා පොත් ප්‍රදර්ශනය විවෘතව පවතී.
පොත් ප්‍රදර්ශනය ආරම්භ කිරීමේ උත්සවය ඌව පළාත් ආණ්ඩුකාර නීතිඥ ජේ.එම්. කපිල ජයසේකර මහතාගේ ප්‍රධානත්වයෙන් සිදු වූ අතර, ඌව පළාත් ප්‍රධාන ලේකම් දමයන්ති පරණගම මහත්මිය, ඌව පළාත් අධ්‍යාපන ලේකම් ගාමිණි මහින්දපාල ජෝපියස් මහතා, ඌව පළාත් සංස්කෘතික ක්‍රීඩා හා සංචාරක අමාත්‍යාංශයේ ලේකම් නිහාල් ගුණරත්න මහතා ඇතුළු පිරිසක් සහභාගි වූහ. ඌව පළාත් සංස්කෘතික ක්‍රීඩා හා සංචාරක අමාත්‍යාංශයේ ලේකම් නිහාල් ගුණරත්න මහතාගේ උපදෙස් මත අමාත්‍යාංශයේ නිලධාරීන්, ඌව පුස්තකාල සේවා මණ්ඩලයේ අධ්‍යක්ෂ සඳරුවන් ජයසූරිය මහතා සහ බදුල්ල ප්‍රබුද්ධ සංස්කෘතික පදනම මඟින් පොත් ප්‍රදර්ශනය සංවිධානය කරනු ලැබේ.
