රුපියල් කෝටි 4කට අධික වටිනාකමකින් යුත් කුෂ් මත්ද්‍රව්‍ය තොගයක් සමග පුද්ගලයෙකු කටුනායක ජාත්‍යන්තර ගුවන්තොටුපොළේ දී අත්අඩංගුවට ගෙන තිබෙනවා.
තායිලන්තයේ සිට මෙරටට පැමිණි අයෙකු මෙලෙස අත්අඩංගුවට ගෙන ඇති අතර ඔහු 58 හැවිරිදි වියේ පසුවන මරදාන ප්‍රදේශයේ පදිංචිකරුවෙකු බව සඳහන්.
ඔහු සිය අත්බෑගයේ ඉතා සූක්ෂම ලෙස කුෂ් මත්ද්‍රව්‍ය කිලෝග්‍රෑම් 5කට ආසන්න තොගයක් සඟවාගෙන පැමිණ තිබෙනවා.
සැකකරු වැඩිදුර විමර්ශන සඳහා පොලිස් මත්ද්‍රව්‍ය විමර්ශන කාර්යංශය වෙත භාරදී තිබෙනවා.
