ශ්‍රී ලංකාවේදී ක්‍රිකට් තරගාවලියකට එක්වන නවසීලන්ත ක්‍රිකට් කණ්ඩායමේ සාමාජිකයන් පිරිසක් පෙරේදා රාත්‍රියේ කටුනායක ගුවන්තොටුපොළෙන් මෙරටට පැමිණියහ.
නවසීලන්ත පිල කාණ්ඩ දෙකක් යටතේ මෙරටට පැමිණෙන අතර, ඉන් පළමු කාණ්ඩය පෙරේදා පැමිණියේය. නවසීලන්ත ටෙස්ට් පිල ඉන්දියාවේ තරග සංචාරයක නිරත වූ අතර, එම සංචාරය නිමා කරමින් සෙසු පිරිස අද (6) ශ්‍රී ලංකාවට පැමිණීමට නියමිතය.
නවසීලන්තය සහ ශ්‍රී ලංකාව අතර විස්සයි20 තරග දෙකක් සහ එක්දින තරග 3ක් පැවැත්වෙන අතර, විස්සයි20 තරගාවලිය මේ 9 සහ 10 දිනවල දඹුල්ලේදී පැවැත්වේ. පළමු එක්දින තරගය 13 වැනිදා එම ක්‍රීඩාංගණයේදීම පැවැත්වෙන අතර, සෙසු එක්දින තරග දෙක 17 සහ 19 දිනවල පල්ලෙකැලේදී පැවැත්වේ.
