ළමුන් සම්බන්ධ තීරණාත්මක ගැටලු විසඳීම සඳහා විවිධ ආගමික, ඇදහිලි නායකයන් එක්සත් කිරීමේ අරමුණින් යුනිසෙෆ් ශ්‍රී ලංකා සංවිධානය පසුගිය සතියේදී බහු ආගමික සංසදයක් පැවැත්වීමට කටයුතු යොදා තිබුණි. මේ සඳහා යුනිසෙෆ් ශ්‍රී ලංකා විශේෂ නියෝජිත ක්‍රිස්ටියන් ස්කූග් ඇතුළු එහි ප්‍රමුඛ නිලධාරීන් හා DPCCS කොමසාරිස් ගයනි කෞෂල්‍යා විජේසිංහ මහත්මිය ඇතුළු පිරිසක්ද සහභාගි වූහ. මෙම සංසදය පිළිබඳව අදහස් දැක්වූ යුනිසෙෆ් ශ්‍රී ලංකාහි උසස් නිලධාරියකු පැවසුවේ ළමුන් ආරක්ෂා කිරීමට සහ ඔවුන්ගේ වර්ධනය සඳහා පෝෂණ පරිසරයක් නිර්මාණය කිරීමට එම අවස්ථාවට සහභාගි වූ ආගමික නායකයන්ගේ හවුල් කැපවීම අවධාරණය වූ බවයි.
