ඉන්දියාවේ යකඩ මිනිසා ලෙස හැඳින්වෙන සර්දාර් වල්ලාභායි පටෙල්තුමාගේ 150 වැනි ජන්ම සංවත්සරය නිමිත්තෙන් එතුමාගේ ජීවිතය සහ උරුමය අනුස්මරණය කරමින් ඡායාරූප ප්‍රදර්ශනයක් කොළඹ හැරල්ඩ් පීරිස් ගැලරියේ දී පැවැත්විණි.
ශ්‍රී ලංකාවේ ඉන්දීය මහකොමසාරිස් සන්තෝෂ් ජා මහතාගේ ප්‍රධානත්වයෙන් සංවිධාන කළ මේ ප්‍රදර්ශනයේ බෙදුණු භූමියක් එක්සත් ජාතියක් බවට පරිවර්තනය කරමින් අචල ශක්තියකින් ඉන්දියාව එක්සත් කළ ඉන්දියාවේ එක්සත්භාවයේ නිහඬ නිර්මාතෘවරයාගේ ගමන්මඟ, ප්‍රත්‍යාස්ථභාවය සහ කැපවීම මේ ප්‍රදර්ශනයෙන් පෙන්නුම් කෙරිණි. සර්දාර් වල්ලාභායි පටෙල්තුමා නිදහස් ඉන්දියාවේ ප්‍රථම නියෝජ්‍ය අගමැතිවරයා මෙන්ම ස්වදේශ කටයුතු ඇමැතිවරයා ද විය.
ප්‍රදර්ශනය විවෘත කරමින් මහකොමසාරිස්වරයා සඳහන් කළේ, කුමාර රාජ්‍යයන් 500කට අධික සංඛ්‍යාවක් තනි ජාතියක් ලෙස ඒකාබද්ධ කළ නායකයකු ලෙස සර්දාර්තුමාගේ සුවිසල් බලපෑම නූතන ඉන්දියාවට පදනම සකස් කළ බවයි. “අද අප එතුමා සිහි කරන අතර, එක්සත්භාවය, ශක්තිය සහ දේශප්‍රේමීත්වය පිළිබඳ පටෙල්තුමාගේ පරමාදර්ශ අන් කවරදාටත් වඩා වර්තමානයේදී වලංගු වන්නේ බෙදා හදා ගන්නා අරමුණක බලය අපට සිහි ගන්වමින් බවත් එතුමා හැඩගැස්වීමට උපකාරී වූ දේශපාලන මායිම් සඳහා මෙන්ම පරම්පරා ගණනක් අභිප්‍රේරණය කරන ප්‍රත්‍යාස්ථභාවයේ සහ එක්සත්භාවයේ වටිනාකම් සඳහා එතුමා දැක්වූ දායකත්වය අදත් නොනැසී පවතින බවත්ය.
විද්වතුන්, ඡායාරූප සංගම් සහ පුස්තකාල සංගම්වල නියෝජිතයන් සහ සිසුන් ඇතුළු පිරිසක් මේ අවස්ථාවට සහභාගි වූහ.
