රාජගිරිය මාදින්නාගොඩ පාරේ වාහන අමතර කොටස් අලෙවි මධ්‍යස්ථානයකට ඊයේ (1) දහවල් ඇති වූ ගින්නකින් සම්පූර්ණයෙන්ම විනාශයට පත්ව ඇතැයි වැලිකඩ පොලිසිය කියයි
ඇති වූ ගින්න පැතිරීමෙන් යාබදව පිහිටි නිවාස දෙකක වහලවලටද අලාභ වී ඇත වාහන රථ අමතර කොටස් අලෙවි කිරීම සහ අලුත්වැඩියා කටයුතු කරන එම මධ්‍යස්ථානයේ ගින්න ඇති වූ වහාම ඒ පිළිබඳ වැලිකඩ පොලිසිය දැනුම්වත් වීමත් සමඟම කෝට්ටේ නගර සභාවේ ගිනි නිවීමේ ඒකකයේ රථ හතරක් එම ස්ථානයට ගෙන්වා ගින්න පාලනය කිරීමට කටයුතු කර තිබිණි.
ඇතිවූ ගින්නෙන් එම ප්‍රදේශයේ පිහිටි අහස් කුස පුරා විශාල ලෙස කඳු දුමාරයෙන් වැසී ගොස් තිබිණි. ගින්නෙන් කිසිවකුටත් ජීවිත අනතුරක් හෝ තුවාලයක් තුවාලයක් සිදුවී නැතැයි පොලිසිය කියයි.
ගින්නට හේතුව මෙතෙක් අනාවරණය වී නැති අතර රජයේ රස පරීක්ෂකවරයා හා අපරාධ ස්ථාන පරීක්ෂණාගාර නිලධාරීන්ද කැඳවීමට නියමිතය. වැලිකඩ පොලිසියේ වැඩබලන ස්ථානාධිපති ප්‍රධාන පොලිස් පරීක්ෂක එච්. හේවගේ මහතාගේ උපදෙස් මත විමර්ශන සිදු කෙරේ.
