ඉන්දියාවේ පළමු කාණ්ඩයේ කනිෂ්ඨ ගොල්ෆ් ශූරතාවලියේ කාන්තා ශූරතාව දිනා ගැනීමට කායා දළුවත්ත සමත් වූවාය. බැංගලූර් නුවර පසුගියදා පැවැති එම තරගාවලියේදී එරට හොඳම ක්‍රීඩිකාවන් 20 දෙනකු අබිබවා කාන්තා කිරුළ දිනූ 16 හැවිරිදි කායා ඉන්දියාවේ ප්‍රධානතම ගොල්ෆ් කුසලානයක් දිනූ පළමු ශ්‍රී ලාංකිකයා ලෙස වාර්තාපොතට එක්වූවාය. මෙරට ගොල්ෆ් පිටියේ කාන්තා තරග අංශයේ කැපී පෙනෙන යොවුන් ක්‍රීඩිකාවක කායා දළුවත්ත ජාතික කනිෂ්ඨ ගොල්ෆ් ශූරිය ද වන අතර, පසුගිය මැයි මාසයේ නේපාලයේ පැවැති ආධුනික ගොල්ෆ් ශූරතාවලියේ කාන්තා තරගය ඇතුළු ජාත්‍යන්තර කනිෂ්ඨ ගොල්ෆ් තරගාවලි රැසක කැපී පෙනෙන ජයග්‍රහණ අත්කර ගැනීමට සමත්වූවාය.
