එළැඹෙන ජනාධිපතිවරණයේදී සිය දෙවැනි ධුර කාලය සඳහා තරග වදින ජෝ බයිඩ්න් වේලාසනින් ඡන්දය ලකුණු කිරීමට ලැබී ඇති අවස්ථාවට අනුව පෙරේදා ඩෙලවෙයාර් පළාතේ නිව් කාසල් නුවර සිය නිවෙස ආසන්නයේ පිහිටි ඡන්ද මධ්‍යස්ථානයට පැමිණ සිය ඡන්දය භාවිත කළ බව විදෙස් මාධ්‍ය වාර්තා කළේය. ආරක්ෂකයන් හා මාධ්‍යවේදීන් පිරිවරා ඡන්ද මධ්‍යස්ථානයට පැමිණි 81 හැවිරිදි ජනාධිපතිවරයා සාමාන්‍ය පුරවැසියකු ලෙස සිය ඡන්දය ලකුණු කිරීමට මිනිත්තු 40කට ආසන්න කාලයක් පෝලිමේ රැඳී සිටි බව ද විදෙස් මාධ්‍ය වැඩිදුරටත් වාර්තා කළේය. ඒ අතරතුර කාලයේදී ඔහු ඡන්දදායකයන් සමඟ සුහද කතාබහක නිරතවූ බවත්, රෝද පුටුවක ආධාරයෙන් ඡන්ද මධ්‍යස්ථානයට පැමිණ ඔහුට ඉදිරියෙන් පෝලිමේ සිටි වයස්ගත කාන්තාවකට ඔහු සහාය දුන් බව ද විදෙස් මාධ්‍ය සඳහන් කළේය.
