ආචාර්ය පණ්ඩිත් ඩබ්ලිව්. ඩී. අමරදේව සූරීන්ගේ 08 වැනි ගුණ සමරුව නොවැම්බර් 03 දාට යෙදී ඇත. ඒ නිමිත්තෙන් විශේෂ ගුණ සමරු වැඩසටහනක් එදින උදේ අමරදේව අසපුවේදී පැවැත්වේ. එහිදී අමරදේව පිළිරුවට පුෂ්පෝපහාර දැක්වීම සිදු කෙරේ. ඉන් අනතුරුව එදින සවස 6.30ට විශේෂ ගුණ සමරු සංගීත ප්‍රසංගයක් බත්තරමුල්ල අපේ ගම පරිශ්‍රයේදී පැවැත්වේ.
අමරදේව සූරීන්ට ආදරය කරන සියලු සහෘදයන්ට මේ ප්‍රසංගයට සහභාගි වන ලෙස අමරදේව මහතාගේ පුත් රන්ජන් අමරදේව මහතා ඇරියුම් කර සිටී. ඩබ්ලිව්. ඩී. අමරදේව සූරීන් 2016 නොවැම්බර් 03දා ජාතියෙන් සමු ගත්තේය.
