මොසැම්බික් රාජ්‍යයේ පසුගියදා පැවැති ජනාධිපතිවරණය දූෂිත බවට එල්ල වූ විපක්ෂයේ චෝදනා මැද හිටපු ජනාධිපති ඩැනියෙල් චැපෝ විශිෂ්ට ජයග්‍රහණයක් අත්කරගත් බව විදෙස් මාධ්‍ය වාර්තා කළේය. මොසැම්බික් රාජ්‍යයේ වසර 50කට වැඩි කාලයක් බලය අත්කරගෙන සිටි ෆ්‍රෙලිමෝ පක්ෂයේ අපේක්ෂකයා වූ ඩැනියෙල් චැපෝ 70% කට වැඩි ඡන්ද ප්‍රතිශතයක් ලබා ගත් බව එරට මැතිවරණ කොමිසම තහවුරු කර ඇතැයි ද විදෙස් මාධ්‍ය වැඩිදුරටත් වාර්තා කළේය. චැපෝගේ ප්‍රධානතම ප්‍රතිවාදියා වූ ස්වාධීන අපේක්ෂක වැනන්සියෝ මොන්ඩ්ලේනේ ලබා ඇත්තේ 20%කට ආසන්න ඡන්ද ප්‍රතිශතයක් වන අතර, විරුද්ධ පක්ෂයේ අපේක්ෂක ඔසුෆෝ මොමාඩේට හිමිවී ඇත්තේ 5%ක ඡන්ද ප්‍රතිශතයක් බවද වාර්තා වේ.
