ජර්මනියේ ආරක්ෂක කටයුතු සම්බන්ධව ප්‍රධානතම ප්‍රවාහන මධ්‍යස්ථානයක් වන ලිප්සිග් නුවර ගුවන්තොටුපොළේ තොරතුරු චීන බුද්ධි ඒකකයට ලබාදුන් බවට සැක කරන චීන කාන්තාවක් එරට පොලිසිය විසින් අත්අඩංගුවට ගෙන ඇතැයි විදෙස් මාධ්‍ය වාර්තා කළේය. එම ගුවන්තොටුපොළේ සැපයුම් සේවා ලබාදෙන සමාගමක සේවයේ නිරතව සිටි 38 හැවිරිදි එම කාන්තාව ගුවන්තොටුපොළේ සිට පියාසර කරන ගුවන් යානා, මගීන් සහ හමුදා භාණ්ඩ ප්‍රවාහන ගුවන්යානා ඇතුළු තොරතුරු අඛණ්ඩව චීන බුද්ධි අංශ වෙත සපයා ඇති බවට චෝදනා එල්ල වී ඇතැයි විදෙස් මාධ්‍ය වැඩිදුරටත් වාර්තා කළේය. එම ගුවන්තොටුපොළ විශේෂයෙන් යුක්රේනය වැනි රටවලට හමුදා උපකරණ අපනයනය කිරීමේ මධ්‍යස්ථානය ලෙස භාවිත කරන බව ද විදෙස් මාධ්‍ය සඳහන් කළේය.
ගුවන්තොටුපොළේ ආරක්ෂක කටයුතු පිළිබඳ තොරතුරු සැපයීමේ චෝදනා ලැබූ දෙවැනි සැකකරු වන තවත් චීන ජාතිකයකු මේ වසරේ මුල් භාගයේදී අත්අඩංගුවට පත්වූ බව ද විදෙස් මාධ්‍ය වාර්තා කළේය.
