රුසියාව සමඟ යුද්ධයක පැටලීමට සිය ජනතාව පෙළඹූ බවට අමෙරිකාවේ ජනාධිපති අපේක්ෂක ඩොනල්ඩ් ට්‍රම්ප් යුක්රේන ජනාධිපති වොලොදිමිර් සෙලෙන්ස්කිට චෝදනා එල්ල කළ බව විදෙස් මාධ්‍ය වාර්තා කළේය. නොවැම්බර් මස 5 වැනිදා පැවැත්වෙන ජනාධිපතිවරණයෙන් ජය ගැනීමෙන් පසු ඩොනල්ඩ් ට්‍රම්ප් අමෙරිකාවේ විදේශ ප්‍රතිපත්තිය රුසියාවට වාසිදායක අයුරින් ක්‍රියාක්මක කරන බව ඔහුගේ මේ ප්‍රකාශයෙන් පැහැදිලි වන බව ද විදෙස් මාධ්‍ය වැඩිදුරටත් වාර්තා කළේය.
රෙපබ්ලිකන් අපේක්ෂක ඩොනල්ඩ් ට්‍රම්ප් වරින් වර යුක්රේන ජනාධිපතිවරයා විචේචනයට ලක් කර ඇතැයි ද, වසර 2022 දී රුසියාව සමඟ යුදගැටුම් ඇති කරගැනීමෙන් පසු අමෙරිකාවෙන් ඩොලර් බිලියන ගණනාවක මුදල් සහ හමුදා ආධාර ලැබූ සෙලෙන්ස්කි පෘථිවියේ සිටින විශිෂ්ටතම ව්‍යාපාරිකයා බව ප්‍රකාශ කර ඇතැයි ද විදෙස් මාධ්‍ය සඳහන් කළේය.
