නැඟෙනහිර පළාතේ ඉදිරි සංවර්ධන කටයුතු නව රජයේ ප්‍රතිපත්ති අනුව ඒකාබද්ධව ක්‍රියාත්මක කිරීමට බලාපොරොත්තු වන බව නැඟෙනහිර පළාත් ආණ්ඩුකාර ජයන්තලාල් රත්නසේකර මහතා සඳහන් කළේය.
ආණ්ඩුකාරවරයා මේ බව පැවැසුවේ පෙරේදා (15) අම්පාර සෞඛ්‍ය සේවා අධ්‍යක්ෂ කාර්යාලය සහ අම්පාර නගර සභා වැඩ කටයුතු නිරීක්ෂණයෙන් අනතුරුව මාධ්‍ය වෙත අදහස් දක්වමිනි.
වනඅලින්ගෙන් සිදු වන හානි වළක්වා ගැනීමට කෙටි කාලීන සහ දීර්ඝ කාලීන විසඳුම් දීම සම්බන්ධයෙන් අවශ්‍ය පියවර ගන්නා බව ද ඒ මහතා වැඩිදුරටත් පැවැසීය.
