අමෙරිකාවේ ෆ්ලොරිඩා ප්‍රාන්තයට බලපෑ ”මිල්ටන්” සුළි කුණාටුවෙන් පුද්ගලයින් 16 දෙනෙකු මිය ගොස් තිබේ.
මියගිය පිරිස තවත් ඉහළ යා හැකි බව බලධාරීන් සදහන් කර ඇතැයි විදෙස් මාධ්‍ය වාර්තා කරයි.
මිල්ටන් සුළි කුණාටුව මේ වන විට අත්ලාන්තික් සාගරය හරහා හමා යමින් පවති.
ෆ්ලොරිඩා ප්‍රාන්තයේ බොහෝ ප්‍රදේශවලට තවමත් ගංවතුර තත්වය බලපා ඇති බව වාර්තාවේ.
නිවාස සහ ව්‍යාපාරික ස්ථාන ලක්ෂ 30 ක පමණ විදුලිය විසන්ධි වී පවතී.
ඉදිරි දිනවල ගංවතුර තත්ත්වය තවත් උග්‍ර විය හැකි බවට බලධාරීන් අනතුරු අඟවා ඇති අතර ටොනේඩෝ, සහ ගංවතුර බලපා ඇති ප්‍රදේශවලට නොයන ලෙස එහි නිවැසියන්ට උපදෙස් දී තිබේ.
