සුපිරි ඉන්දීය නළු රජිනිකාන්ත් චෙන්නායි හි ඇපොලෝ රෝහලට ඇතුල් කර ඇත.
උදරයේ ඇතිවූ අසනීපයක් හේතුවෙන් සදුදා (30) රාත්‍රියේදී ඔහුව රෝහල්ගත කර ඇති බව ඉන්දීය මාධ්‍ය වාර්තා කර තිබුණි.
73 හැවිරිදි රජිනිකාන්ත් ගේ තත්ත්වය මේ වන විට යහපත් බවද එහ වාර්තා සඳහන් කරයි.
මීට වසර 10කට පමණ පෙර සිංගප්පූරුවේදී මෙම සුපිරි තරුව වකුගඩු බද්ධ කිරීමකට භාජනය කර තිබුණි.
රජිනිකාන්ත් අවසන් වරට දුටුවේ නෙල්සන් දිලිප්කුමාර්ගේ ‘ජේලර්’ චිත්‍රපටයේ ය.
රජිනිකාන්ත් පසුගිය සති කිහිපය තුළ ලෝකේෂ් කනගරාජ් විසින් අධ්‍යක්ෂණය කරන ලද ඔහුගේ මීළඟ චිත්‍රපටය වන Coolie හී රූගත කිරීම් කරමින් සිටියේය. ඒ විශාකාපට්නම් හී දී ය.
