මධ්‍යම ආසියානු කාන්තා ක්‍රීඩා සමාජ වොලිබෝල් තරගාවලියේ සිය දෙවැනි ජයග්‍රහණ වාර්තා කිරීමට ශ්‍රී ලංකා ගුවන් හමුදා ක්‍රීඩිකාවෝ ඊයේ සමත් වූහ.
තරගාවලියේ මූලික වටය යටතේ ටජිකිස්තානයේ ඩයමන්ඩ් වොලිබෝල් ක්‍රීඩා සමාජය සමඟ පැවති තරගයේ පළමු වටය 25-11ක් ලෙස පහසුවෙන් ජයගත් ශ්‍රී ලංකා ගුවන් හමුදා ක්‍රීඩිකවෝ දෙවැනි වටය 25-12ක් සහ තෙවැනි වටය 25-18ක් ලෙස ජය තහවුරු කර ගත්හ.
මාලදිවයිනේ සත්කාරකත්වයෙන් මධ්‍යම ආසියානු වොලිබෝල් සම්මේලනය සංවිධාන කරන මේ තරගාවලියේ මුල් තරග දෙක ශ්‍රී ලංකා ගුවන් හමුදා කණ්ඩායම පරාජය වූ අතර, තරගාවලියේ 6 වැනි දිනය යටතේ අද (20) උස්බෙකිස්තානයේ හුමෝ ක්‍රීඩා සමාජයට එරෙහිව මූලික වටයේ අවසන් තරගයට එක්වෙයි.
