අඩුම කාල පරාසයක් තුළදී මෙවලම් සකස් කිරීම සම්බන්ධයෙන් පසුගියදා ගිනස් වාර්තාවක් තැබූ යාපනයේ මාතාංගී කනකසුන්දරම් ශිෂ්‍යාවට ජනාධිපති රනිල් වික්‍රමසිංහ මහතා විසින් ශිෂ්‍යත්වයක් පිරිනමනු ලැබ තිබේ.
ජනාධිපතිවරයා යාපනයට පැමිණි අවස්ථාවේ මේ ශිෂ්‍යාව ජනාධිපතිවරයාට දුරකතන ඇමතුමක් දී තමා තැබූ ගිනස් වාර්තාව ගැන තොරතුරු සඳහන් කොට, ජනාධිපතිවරයා මුණගැසීමට අවස්ථාවක් ඉල්ලා ඇත. මේ ඉල්ලීමට ඉඩ සලසා දුන් ජනාධිපතිවරයා එහිදී එම ශිෂ්‍යාවට ශිෂ්‍යත්වයක් පිරිනමා තිබේ. එහිදී මේ සිසුවිය ජනාධිපතිවරයාගෙන් ඉල්ලා ඇත්තේ පාසල් ශිෂ්‍ය ශිෂ්‍යාවන්ට පරිගණක අධ්‍යාපනය හා තොරතුරු තාක්ෂණ විෂයය මීට වඩා පුළුල්ව හැදෑරීමට අවස්ථාවක් පාසල් අධ්‍යාපනය ඇසුරෙන් සැලසීමට පියවර ගන්නා ලෙසයි. මේ ඉල්ලීමටද ජනධිපත්වරයා එකඟ වී ඇත. යාපනයේ පාසල් සිසුවියක ඉතා අඩු වයසකින් ගිනස් වාර්තාවක් තැබීම සම්බන්ධයෙන් ඇයට ප්‍රශංසා කළ ජනාධිපතිවරයා ඇයට පිරිනමා ඇත්තේ ජනාධිපති විශේෂ ශිෂ්‍යත්වයකි.
