යාපනයේ වඩමරච්චි පට්ටුකාඩු මුහුදේ කේතුවක ආකාරයකට සකසන ලද මෙතෙක් හඳුනාගෙන නැති වස්තුවක් මුහුදේ පා වෙමින් පවතින බව වඩමරච්චි ධීවරයෝ පෙරේදා (22) නාවික හමුදාවට හා යාපනේ සහකාර ධීවර අධ්‍යක්ෂ කාර්යාලයට දැනුම් දී තිබේ.
මසුන් මැරීමට ගොස් ආපසු පැමිණෙමින් සිටි ධීවර පිරිසක් මේ අද්භූත වස්තුව දැක ඇති අතර, එවැනි වස්තුවක් ඔවුන් මීට පෙර දැක නැති බවදප්‍රකාශ කොට ඇත.
ගත වූ මාස දෙකක කාලය ඇතුළත වඩමරච්චි මුහුදු ප්‍රදේශයට මේ අන්දමට පා වී ආ හත්වැනි අද්භූත වස්තුව මෙය වන අතර, නාවික හමුදාව පළාතේ ධීවරයන්ට උපදෙස් දී ඇත්තේ මුහුදේ පා වෙන හෝ මුහුදු වෙරළට ගොඩගසන කිසිම වස්තුවක් ඇල්ලීමට ඇදගෙන ඒමට හෝ පරීක්ෂා කිරීමට උත්සාහ නොකරන ලෙසයි. ඒ අනුව වඩමරච්චි ධීවරයෝ මේ පිළිබඳ වගකිව යුත්තන්ට දැනුම් දී ඔවුන් විසින් ගන්නා ක්‍රියා මාර්ග පිළිබඳ බලා සිටිති.
